9-րդ դասարանի թուրքերենի ընտրությամբ գործունեության առարակյական ծրագիր․․․
Նպատակ՝
- Թուրքերենի ուսուցում,
- մշակութային ուսումնասիրություն,
- հարևան երկրի հետ համագործակցային կապեր,
- կրթական կապերի հաստատում, երկխոսություն։
Խնդիրներ՝
- Սովորել հարևան երկրի, տարածաշրջանում գերիշխանության հասած՝ Թուրքիայի պետական լեզուն՝ թուրքերենը
- Լեզվի յուրացման առանցքում ծանոթանալ թուրքական լեզվի պատմությանը, դրա անցած ուղուն, բարեփոխումներին և լեզվի ստեղծման գործունեության մեջ, ազգությամբ հայ Հակոբ Մարթայանի ունեցած դերակատարմանը
- Իրականացնել թարգամնություններ և զարգացնել լեզվական գիտելիքները, լեզվամտածողությունը
- Իրականցնել հնարավոր հաղորդակցում լեզվակիրների հետ
- Հաստատել միջմշակութային կապեր
- Զարգացնել Հայաստան-Ստամբուլ կրթական կամուրջները
- Իրականացնել և՛ քերականական, և՛ բանավոր ուսումնասիրություն
- Ինտերակտիվ դասերի և ճամփորդությունների միջոցով հասնել հարևան երկրի ճանաչողությանը և ներկայիս բացակայող դիվանագիտական հարաբերությունների համար դառնալ որոշակի ազդարար
- Մեդիա դաշտի ուսումնասիրմամբ նպաստել ինֆորմացիոն հոսքին
Կազմակերպում՝
- Ծրագրի ընթացքում նախատեսվում են ինտերակտիվ դասեր և ճամփորդություններ, որոնք իրականացվելու են իր մշակութային արժեքներով աչքի ընկնող Ստամբուլում, այցելություն Պոլիսի վարժարաններ և վարժարանների սաների հետ հանդիպում ու առկա վիճակի հետ ծանոթացում։ Մեր մասնագետների կողմից այնտեղի ուսման ուսումնասիրություն և վարժարանների դասավանդողների հետ փորձի փոխանակում։
Այս ամենը կիրականացվի ՄՍԿՀ-ում և ճամփորդության վայրերում՝ Թուրքիայում գտնվող հայկական վարժարաններում և այլ մշակութային վայրերում՝ այդ թվում հայկական եկեղեցիներում։
- Ենթադրվում են նաև առցանց հանդիպումներ, տեղի և Ստամբուլի սովորողների, սովորող-գործչի միջև, նաև ուսումնական հանդիպումներ և հանդիպում-քննարկումներ, ինչն էլ թույլ կտա երկուստեք ճանաչել մշակույթը
Թուրքերենի դասընթացի բաղկացուցիչ մասերը` հնչյունաբանություն, բառագիտություն, ձևաբանություն, շարահյուսություն:
Հնչյունաբանություն՝ Թուրքերենի հնչյունական համակարգը: Ձայնավոր և բաղաձայն հնչյուններ: Թուրքրենի կարևորագույն ՝ ձայնավորների ներդաշնակության կանոնի, բաղաձայների խլացման և ձայնեղացման օրենքների յուրացում։ Բաղաձայնի սղում, բաղաձայնի ավելացում, բաղաձայնի փոփոխություն:Ձուլող հնչյուններ (Kaynaştırma Harfleri): Շեշտ (Vurgu):
Ձևաբանություն (Biçim Bilgisi): Խոսքի մասեր, դասակարգումը (Sözcük Türleri, sınıflandırılması):
Գոյականներ (İsimler/ Adlar): Գոյականի առանձնահատկությունները: Հատուկ և հասարակ գոյականներ: Կոնկրետ և վերացական գոյականներ: Հավաքական գոյականներ: Գոյականի թիվը: Գոյականի կապակցման ձևերը (İsim Tamlamaları). որոշյալ կապակցություն (Belirtili Ad Tamlaması), անորոշ կապակցություն (Belirtisiz Ad Tamlaması), անվերջածանց կապակցություն (Takısız Ad Tamlaması ), շղթայական կապակցություն (Zincirleme Ad Tamlaması): Գոյականի հոլովները (İsmin Hâlleri):
Դերանուններ (Zamirler/ Adıllar): Դերանունների տեսակները, դասակարգումը։ Դերանունների հոլովումը։
Ածական՝Ածականի համեմատության աստիճանները (Sıfatların Derecelendirmesi): Ածականների կառուցվածքը (Sıfatların Yapısı): Ածականների կիրառությունը:
Մակբայներ (Zarflar / Belirteçler): Մակբայների տեսակները . ձևի մակբայներ, ժամանակի մակբայներ, տեղի մակբայներ, չափ ու քանակի մակբայներ, հարցական մակբայներ: Մակբայների կառուցվածքը (Zarfların Yapısı):
Բայ՝ Բայի ժամանակները, խոնարհման ձևերը, անկանոնությունը, կառուցվածքը։ Դերբայ։
Հետադրություններ (Edatlar/İlgeçler): Առանձնահատկություները, կիրառությունը:
Շաղկապներ (Bağlaçlar): Առանձնահատկությունները, կիրառությունը:
Ձայնարկություններ (Ünlemler): Առանձնահատկությունները, կիրառությունը:
Շարահյուսություն՝ Նախադասություն: Նախադասության անդամները (Cümle Öğeleri). հիմնական (ենթական, ստորոգյալ) և երկրորդական (խնդիր, լրացում) անդամներ: Նախադասությունները, սրանց կառուցվածքային տիպերը և կապը միմյանց հետ։Թուրքերենում կարևորագույն պայման՝ ենթակայի և ստորոգյալի տեղը նախադասության մեջ, առանց որի պահպանման, ճիշտ նախադասություն չի ստացվի։
Ուսումնական միջավայրը՝ ըստ մանկավարժության լաբորատորիայի չափանիշների։
Սովորողի ուսումնական գործոնեության ձևերը
Անհատական և խմբային հետազոտական աշխատանքներ, ուսումնական ճամփորդություններ, ուսումնական փաթեթների ստեղծում և այդ աշխատանքներին օժանդակում(էլեկտրոնային և տպագիր գրականության), մասնագիտական փորձառություններ, մասնակցություն համապատասխան ակումբային գործունեությանը։
Գնահատում՝
ԿԳՄՍ նախարարության կողմից առաջարկվող կրեդիտային համակարգի փորձարկում
Հեռավար կրթություն
Նպատակներին ուղղված հետևայլ մոտեցումները վերաբերում է նաև հեռավար- կրթությանը:
թուրքերենի ընտրությամբ գործունեություն
(ընդհանուր դասընթացի համար շաբաթական ժամաքանակը՝ 4, ընտրությամբ դասընթացինը՝ 4)
Աննա Խաչատրյան 